حكمة رايعة

عندي حكمة أحبها كثيرا وأستعملها كثيرا في حياتي اليومية:
السنابل الفارغة تشمخ برأسها عاليا
هدي الحمكة تبين أن العباد اللي يكونوا صح عندهم باه يتكبروا يعني يكونوا مثقفين ولا واصلين بصح ما يتكبروش وعباد تلقاهم لا حول لهم ولا قوة ويتكبروا
أحسن مثال في الصالون تعنا تاع علم الفلك اللي درناه، الشخصيات اللي جاونا من الخارج مثلا الفرنسيين و الكويتية واليوناني والإيرانيين أحسن مثال للتواضع على رغم القدر الكبير تاع العلم اللي عندهم بصح كي تتحدث معاهم تحس وكأنك تتحدث مع واحد من صحابك ميشي عالم كبير قام بحوايج رايعة في حياتو.هكا لازم نكونوا جماعة يقولك تواشع للناس يرفعوك.
لأن إنسان كي يكون متكبر مش رايح يقبل اي واحد يعلمو ولا ينصحو لأنو يظن راهو علابالو بكلشيء ويعرف كلشيء
نشاء الله ربي يعاونا نكونوا ديما متواضعين في حياتنا