الخاوا

توفي رجل و خلا لزوج ولادو خمس نعاج.وقال في الوصية بلي واحد يدي النصف وواحد يدي الثلث. فاختصما على هته القسمة (مناه النعجة موحال تتقسم على النص) ومن بعد راحو لوحد القاضي وخرجو من عندو راضيين
السؤال: كيفاش تمكن من اقناعهم و اعطاء كل واحد حقو؟

اتمنى منكم المحاولة

النعجة الخامسة تبانلي دبحوها وتقاسموها ههههههههه ولا باعوها وتقاسمو الدراهم

أظن أن القاضي جاب نعجة من عندو باش يعودو 6 نحاج.
الأول ياخذ النص، أي:3
الثاني ياخذ الثلث، أي:2
6-(3+2)=6-5=1، أي تبقى نعجة وحدة نتاع القاضي. والله أعلم.

السلام عليكم

ههههههههه لالا يا خيرو القاوي النعجة ماتتذبحش و ما تتباعش مناه الاخ عمر لقى الاجابة الصحيحة و المقنعة وهذا ما يدل على فطنة وذكاء القاضي .

نحييك ياعمر على الاجابة الصائبة وشكرا يا القاوي على المحاولة الطريفة.

ولكن اللظاهر القاضي هذا ما يعرفش حاجة يقولولها علم الفرائض او المواريث الذي اعطي الله فيه للإخوة الذكور نفس السهم- النصيب- ولكنه اعطى لاحدهما 1/2 والثاني 1/3 وهذا ما لا يقوله الشرع
على كل الفرضية نتاع زيادة رأس لإتمام الكسر صحيحة
ولكن على اعتبار انه ليس ميراثا
عفوا على التدخل -لا بد منه- سلامي لكم

لا يا اخي بلال القاضي ماشي كان الهدف تاعو قسمة الميراث ولو كان تقرى اللغز مليح تلقى بلي قلت انو باباهم مات وامر بان ياخذ واحد النصف والاخر الثلث وانا قلك بلي خلى وصية معناتها لازم يتقيدو بيها .والاخوة اختلفو في كيفية القسمة اي انه نصف 5 نعاج يعني 2ونصف وموحال يقسمو النعجة
فهمتني يا اخ بلال وشكرا على المشاركة

انا فصدي من التنبيه هو تبيان لقضية فقهية فقط كفائدة
ولا اعترض على اللغز -فهو مسألة عقلية ،فإن نعترض فعلى الوالد والقاضي حيث الاب اوصى بوصية ظالمة ،
في علم المواريث هناك قاعدة اصلها حديث للنبي صلى الله عليه وسلم:" لا وصية لوارث "
فلا تطبق الوصية على كل حال لأن الإبن من جملة الوارثين الذين يرثون دائما فلا يوصى له
عذرا على التدخل ربما كان ثقيلافهذا ديننا فلنتفقه فيه
سلامي وشكرا

سلام

اخي الفيلسوف بلال لوكان ينود الاب المسكين من القبر كان قالك وين علابالك بلي اني ظالم في حق ولادي واحد عطيتلو 3نغاج مناه كانو زوج مراض و وحدة صحيحة والاخر عندو 2 نعاج صحاح لاباس بيهم كيفاش رايح تقولو درك هههههههه

شكرا على تحليلك الرائع

الشلام عليكم
و بلاك وحدة
enceinte ??

ههههههه في هذه الحالة يكون فيلسوفنا بلال الشعراوي معه حق في ان الاب راه ظالم
ودرك يابلال راك فرحان كي لقيت واحد يدرب معاك
شكرا STARTREK
سلام

اقصد واحد ياخد 3 دون الحامل
3/6 = النصف
و لاخر يدي الحامل و واحدة
2/6 = الثلث
وبعد بضح اشهر يولي عندو 3
بصح لازم يديرو لكل وحدة
échographie
باش يعرفو اللي حامل
ويعيشو سعداء والاخ بلال يرضى ان شاء الله